[13:50]
Kristín Ástgeirsdóttir:
Hæstv. forseti. Hér er á ferð eitt af hinum furðulegu atriðum þessa frv. Hæstv. landbrh. ætlar að taka að sér skipulag útflutnings á lambakjöti. Það er ekki hlutverk framkvæmdarvaldsins að annast skipulag útflutningsmála, það á atvinnugreinin sjálf að gera eins og tíðkast t.d. í íslenskum sjávarútvegi. Þetta er enn eitt dæmið í þessu frv. um þá miklu ofstjórnun sem einkennir allt þetta mál og allt skipulag íslensks landbúnaðar og sem getur ekki annað en skaðað landbúnaðinn. Því segi ég nei.