[prenta uppsett í dálka] 57. fundur
[15:59]
Pétur H. Blöndal (andsvar):
Herra forseti. Ég verð að segja hv. þm., Steingrími J. Sigfússyni, að ég hef meiri trú á skynsemi fólks heldur en hann. Fólk er nefnilega mjög skynsamt. Fólk hegðar sér rétt þegar það er búið að átta sig á stöðunni. Núna er það þannig að fólk horfir virkilega á ávöxtunarkröfuna og afföllin. Það er það sem fólk gerir í dag. Þannig að fólk er ekki svona óskynsamt eins og hann heldur. Ég hef mikla trú á fólki. Hins vegar er ég sammála hv. ræðumanni í því að það má laga stöðu leigumarkaðarins og það getur vel verið að það komi út úr þessari nefnd um fjármagnstekjuskatt lausn sem lagar þann vanda.
