[10:46]
Forseti (Ólafur G. Einarsson):
Forseta er ljóst að það er ekki við hæfi að hann taki þátt í umræðum héðan úr forsetastól og ætlar ekki að gera það, en verður að benda á að það er misskilningur hjá hv. þm. Rannveigu Guðmundsdóttur að forseti hafi fallist á eitthvað í þessu tilviki. Það er Alþingi sem ákveður að fara fram á það við hæstv. forsrh. að hann gefi þessa skýrslu. Það er ekki forseti, það er Alþingi. (Gripið fram í: Jú.) Nei, það er ekki forseti, það er lagt fyrir þingið sem greiðir atkvæði um málið.