[prenta uppsett í dálka] 66. fundur
[13:56]
Frsm. meiri hluta fjárln. (Jón Kristjánsson) (andsvar):
Herra forseti. Hv. 5. þm. Suðurl. innti eftir áhrifum nýrrar þjóðhagsspár á tekjur. Ég hef að vísu ekki enn þá nákvæmar tölur í því efni því að ég hyggst halda fund í nefndinni kl. 4 og fá þá fjmrn. til viðræðu við okkur. Það var einn tekjupóstur sem Þjóðhagsstofnun hafði gert áætlun um en að öðru leyti vísaði hún uppreikningi á tekjuhliðinni til fjmrn. Þeir telja að tekjur vegna álvers séu á bilinu 600--800 millj. Þetta er endurreiknuð spá. Fyrri spá var á bilinu 500--1000 millj. þannig að þeir eru aðeins að þrengja rammann.
Að öðru leyti get ég ekki gefið nákvæmar upplýsingar um þetta að sinni.
