[prenta uppsett í dálka] 69. fundur
[15:15]
Heilbrigðisráðherra (Ingibjörg Pálmadóttir):
Virðulegi forseti. Ég þakka góðar ábendingar frá Sighvati Björgvinssyni, fyrrv. heilbr.- og trmrh. En ég vil minna hann á að það var Ríkisendurskoðun sem benti á í hans tíð að það vantaði þessa lagastoð. Síðan eru liðin þrjú ár. Og nú allt í einu er ekki hægt að halda áfram þessari hefð í einhverja mánuði vegna þess að nú skortir lagastoð. Ég benti á að hana skorti. En við höfum langa hefð. Við höfum ekki náð samkomulagi varðandi lagastoðina og því eru menn að gera veður út af þessu á þessu augnabliki. Hv. þm. Sighvatur Björgvinsson tók þetta aldrei upp í ríkisstjórninni, aldrei. Nú kemur hann með leiðbeiningar sem eru að sjálfsögðu ágætlega þegnar. En ég segi enn og aftur, ætla menn að tefja þingið út af þessu?
