[prenta uppsett í dálka] 74. fundur
[10:21]
Steingrímur J. Sigfússon:
Herra forseti. Hér kemur til atkvæða sú fyrsta af mörgum brtt. sem við gerum við sambærileg ákvæði þessa frv., þ.e. að í staðinn fyrir að um varanlega lagabreytingu verði að ræða sem kveði á um aðra tilhögun ríkisframlaga en verið hefur eða er í gildandi lögum komi hefðbundið skerðingarákvæði sem taki eingöngu til þess fjárlagaárs sem í hönd fer. Við leggjum því til að þetta orðist með þeim hætti og það tengist afstöðu okkar til málsins í grundvallaratriðum að það sé óeðlilegt að standa að lagasetningunni með þeim hætti sem hæstv. ríkisstjórn leggur til, þ.e. að gerð verði varanleg breyting, stefnumarkandi breyting í mörgum tilvikum, á fjölmörgum lagaákvæðum í bandormsfrv. af þessu tagi. Þessi atkvæðaskýring vísar því til annarra sambærilegra brtt. sem koma hér fram við allmargar greinar í frv. á eftir.
