[10:50]
Jóhanna Sigurðardóttir:
Virðulegi forseti. Hér er verið að greiða atkvæði um að skerða framlög í Framkvæmdasjóð fatlaðra um 133 millj. kr. Um það hefur verið sátt hér í þingsölum milli allra stjórnmálaflokka þrátt fyrir efnahagsþrengingar á undanförnum árum að skerða ekki framlög í þennan mikilvæga sjóð. Nú ber svo við að þrátt fyrir að við séum að sigla út úr þessari efnahagskreppu að mati ríkisstjórnarinnar ætlar hún að skerða framlög í þennan sjóð um 133 millj. kr. Þetta sýnir vel hug ríkisstjórnarinnar til málefna fatlaðra sem eiga svo mikið undir því komið að þingmenn hafi skilning á því að skerða ekki framlögin í þennan sjóð. Ég segi nei.