[11:32]
Hjörleifur Guttormsson:
Hæstv. forseti. Með þeim breytingum sem hér er verið að lögfesta á skipulagslögum, og raunar einnig á lögum um breytingu á lögum um veiðar og vernd villtra dýra, er verið að leggja auknar álögur á sveitarfélögin og taka upp löggjafaratriði um skipti ríkis og sveitarfélaga, án nokkurs faglegs undirbúnings. Þessi breyting setur í uppnám samskipti sveitarfélaganna við Skipulag ríkisins, að því er skipulagslöggjöfina snertir, og ég undrast mjög að hæstv. umhvrh. skuli láta þetta yfir sig ganga í ljósi þess að nýkomið er fram frv. til breytinga á skipulagslögunum í heild og hin lögin sem verið er að breyta eru nýlega samþykkt á Alþingi. Engin fagleg skoðun hefur farið fram á áhrifum þessara breytinga. Ég segi nei.