[13:38]
Jón Baldvin Hannibalsson:
Virðulegi forseti. Ég kveð mér hljóðs út af brtt. á þskj. 478 við bandorm sem flutt er af formanni efh.- og viðskn., Vilhjálmi Egilssyni. Brtt. er við 47. gr. Ég vil vekja athygli á því að efh.- og viðskn. hefur lokið umfjöllun um þetta mál og þessi brtt. sem væntanlega er fram komin að undirlagi hæstv. heilbrrh. hefur ekki fengið neina umfjöllun í efh.- og viðskn. Minni hlutanum hefur þar með ekki gefist kostur á að fjalla um málið. Ég andmæli þessum vinnubrögðum og óska eindregið eftir því að ekki verði veitt afbrigði til þess að taka þessa tillögu á dagskrá. Og ég beini því formanns efh.- og viðskn. að boðað verði til fundar í nefndinni til þess að fjalla um málið vegna þess að það var fullkomin samstaða um afgreiðsluna á 47. gr. með þeim skýringum sem þar var að finna.