[prenta uppsett í dálka] 77. fundur
[12:39]
Svavar Gestsson:
Herra forseti. Eitt af heitustu deilumálum þessa hausts voru innritunargjöld. Ríkisstjórnin heyktist á þeim áformum og sömuleiðis tókst að lagfæra ýmsa hluti sem hún gerði tillögur um í svokölluðum bandormi. Hér er hins vegar gert ráð fyrir því að leggja sérstaka sjúklingaskatta á gamalt fólk og aðra sem þurfa að skipta við heilsugæslustöðvar. Ég tel að það sé nauðsynlegt í tilefni af þessu, hæstv. forseti, að velta því fyrir sér hvort ekki beri að takmarka reglugerðavald sem heilbrigðisráðherrar hafa til þess að leggja á komugjöld til heilsugæslustöðva. Það er annað mál, hæstv. forseti, en ég segi nei við þessari tillögu.
