[prenta uppsett í dálka] 91. fundur
[18:30]
Hjörleifur Guttormsson (andsvar):
Virðulegi forseti. Engin slík tíðindi hafa orðið þannig að hv. þm. er hér að vísa inn í einhverja framtíð sem hann dreymir um.
Það verður að hafa í huga þegar menn hlýða hér á málflutning Alþfl. að þar fer sá flokkur sem gekk fyrir um það að koma Íslandi inn í hið Evrópska efnahagssvæði. Og gengur fyrir í því að reyna að koma Íslandi inn í Evrópusambandið. Alþfl. liggur að sjálfsögðu undir þeim grun að ætla sér að komast fram hjá fiskveiðistefnu Evrópusambandsins án þess að hafa allt af Íslendingum í sambandi við arð af fiskimiðunum með því að hafa þá tiltæka skattlagningu þannig að ekki skipti máli hver veiði.
