[prenta uppsett í dálka] 141. fundur
Hjörleifur Guttormsson (andsvar):
Virðulegur forseti. Ég þakka hæstv. ráðherra upplýsingarnar að því er varðar frv. Aðeins um hið sögulega þá er auðvitað rétt að nefna að það sem ég var að víkja að varðar fyrst og fremst málafylgju af hálfu stjórnvalda á liðnum árum, liðnum mörgum árum, en ekki það sem snýr að heimamönnum t.d. í Neskaupstað sem gerðu sitt til að bregðast við þeim áföllum sem um var að ræða og settu upp á sínum vegum með samþykki stjórnvalda, viðvörunar- og varnarkerfi til þess að fylgjast með og bregðast við hættu ef hún skapaðist að bestu manna yfirsýn.
