[prenta uppsett í dálka] 160. fundur
Hjörleifur Guttormsson:
Virðulegur forseti. Í umhvn. sem stendur að þessari tillögu er samstaða um að leggja til að málinu verði vísað til ríkisstjórnarinnar. Hér er mikilvægt mál á ferðinni. Ég hefði talið að það væri eðlilegt að þingið ályktaði sérstaklega um málið og á því yrði tekið með almennum hætti, ekki aðeins varðandi Suðurland heldur alla þá staði sem búa við jarðskjálftahættu. En frekar en að láta málið liggja óafgreitt féllst ég á þessa tillögu sem meiri hluti í nefndinni var fyrir að ganga ekki lengra en að vísa málinu til ríkisstjórnarinnar.
