Jóhanna Sigurðardóttir (andsvar):
Herra forseti. Það sem hæstv. dómsmrh. er að spyrja um kemur þessu máli bara hreint ekkert við. Hann er að fara út í allt aðra sálma af því hæstv. ráðherra veit að hann hefur ekki góða samvisku í þessu máli. Við erum að fara hér út í mjög alvarlega hluti sem er veðsetning á kvótanum með ófyrirsjáanlegum afleiðingum og það er það sem við stöndum frammi fyrir varðandi það mál sem hér er til umræðu.