[prenta uppsett í dálka] 59. fundur
Árni M. Mathiesen (andsvar):
Herra forseti. Það er rétt hjá hv. þm. Össuri Skarphéðinssyni að það er mun auðveldara fyrir stór og sterk fyrirtæki að útvega sér fjármagn á markaðinum en fyrir hina smærri útgerðir. Þess vegna skil ég ekki að málflutningur hans geti gengið út á það að við þurfum sífellt að bíða eftir því að við lendum í vandræðum. Af hverjum getum við ekki leyst úr fyrirsjáanlegum vandamálum áður en þau eru farin að hafa áhrif á t.d. hinar smærri útgerðir sem hv. þm. ber fyrir brjósti?
