Forseti (Sturla Böðvarsson):
Forseti vill tilkynna tvær utandagskrárumræður. Sú fyrri hefst kl. 3 síðdegis um kynningu Markaðsskrifstofu iðnrn. og Landsvirkjunar fyrir erlenda fjárfesta. Málshefjandi er Hjörleifur Guttormsson og iðnrh. verður til andsvara. Sú síðari verður kl. 3.30 um kynferðislega misnotkun á börnum. Málshefjandi er Jóhanna Sigurðardóttir og dómsmrh. verður til andsvara. Umræðurnar fara fram samkvæmt 1. mgr. 50. gr. þingskapa og munu því standa í hálftíma hvor.