[prenta uppsett í dálka] 65. fundur
Heilbrigðisráðherra (Ingibjörg Pálmadóttir) (andsvar):
Virðulegi forseti. Þetta forvarnaráð er á ábyrgð ríkisstjórnarinnar og því er mikilvægt að þeir ráðherrar sem fjalla almennt um forvarnir komi sínum sjónarmiðum að. Markmiðið með þessu er að efla störf ríkisstjórnarinnar sem heildar í forvarnamálum. Það er rétt sem kom fram hjá hv. þm. að margir koma að forvörnum almennt, ýmis félagasamtök og félagasamtök verða auðvitað kölluð til ráðgjafar til þessa nýja áfengis- og vímuvarnaráðs. En þar sem ráðherrar eru að kynna forvarnir í sínum málaflokkum þá teljum við rétt að allir þeir ráðherrar sem að þeim málum koma eigi þar sína fulltrúa.
