[prenta uppsett í dálka] 66. fundur
Einar K. Guðfinnsson:
Virðulegi forseti. Það sem í upphafi virtist vera meginatriði málsins þegar samningurinn var kynntur var útborgun arðs. Nú liggur það fyrir með yfirlýsingu hæstv. iðnrh., með skírskotun í tiltekið samkomulag, að þetta verði víkjandi atriði, klárlega víkjandi atriði. Það verði ekki greiddur út arður nema áður sé búið að tryggja raunlækkun orkukostnaðar um 2--3% á ári eftir árið 2000. Það er á hinn bóginn ljóst að eiginfjármögnunin hjá Landsvirkjun hefur gerst í ljósi óeðlilegra taxta. Gjaldskrá Landsvirkjunar hefur legið langt fyrir ofan langtímajaðarkostnað orkuverðs frá nýjum virkjunum og er nú talin 50% hærri en eðlilegt væri að öðru leyti. Þetta er hin raunverulega ástæða fyrir hinni öru eiginfjármyndun fyrirtækisins. Með skírskotun til þessa greiði ég ekki atkvæði um þessa grein.
