[prenta uppsett í dálka] 71. fundur
Kristinn H. Gunnarsson (andsvar):
Herra forseti. Ég tel að hv. þm. hafi farið yfir strikið í velsæmismörkum í þessum ræðum sínum. Hann er að vega að borgarfulltrúa sem ekki hefur möguleika á að bera hönd fyrir höfuð sér hér á þessum vettvangi og hann hefur ekki fyrir því áður en hann ber fram ásakanir sínar að hafa nein skjöl með sér eða sönnunargögn til stuðnings ásökununum, enda kemur í ljós að hann er að fara með fleipur það best ég veit um það mál eins og ég rakti í fyrri ræðu minni. Ég stend á því að hv. þm. sem ber fram ásakanir verður auðvitað að færa sönnur á sitt mál. Að öðrum kosti á hann að láta það ógert að vega ítrekað að fólki sem ekki á þess kost að svara fyrir sig. Hann á þá að bera fram ásakanir sínar þar sem þeir geta svarað fyrir sig sem að er veist.
