Ásta R. Jóhannesdóttir:
Herra forseti. Hér er ríkisstjórnin enn við sama heygarðshornið. Í lagagreininni á enn að lögfesta það að upphæð atvinnuleysisbóta fylgi ekki launaþróun í landinu heldur ákvarðist á fjárlögum ár hvert. Stjórnarandstaðan hefur mótmælt því að þessi háttur væri hafður á, bæði í umræðum um ráðstafanir í ríkisfjármálum við fjárlagagerð þessa og síðasta árs.
Atvinnuleysisbætur eiga að fylgja launaþróun. Það er réttlætismál og því greiðum við atkvæði gegn þessu ákvæði. Ég segi nei.