Mörður Árnason:
Herra forseti. Með þessari tillögu er á ákaflega klunnalegan hátt ruglað saman aðstoð við atvinnulausa annars vegar og hins vegar almennum aðgerðum til starfsmenntunar og sérstökum aðgerðum til nýsköpunar í atvinnulífi kvenna, úr Jóhönnusjóðnum svonefnda. Með þeirri nýskipan sem tillagan gerir ráð fyrir eru þessi sérstöku verkefni orðin hornrekur í stóru bákni. Ég óttast að markmið þeirra séu þar með sett í uppnám og segi því nei.