Dómsmálaráðherra (Þorsteinn Pálsson):
Herra forseti. Það er rétt hjá hv. þm. að lögum samkvæmt og í framkvæmd hefur það verið veigamikill þáttur í starfsemi Landhelgisgæslunnar að annast öryggisgæslu af ýmsu tagi og björgunarstörf. Ég nefndi einmitt áðan að það er hluti af þessu endurmati að skoða hvers konar skipakosti við þurfum á að halda í ljósi þessa hlutverks Landhelgisgæslunnar --- að sinna björgunar- og öryggismálum. En varðandi kostnað við Landhelgisgæsluna þá hefur það verið svo í mínum huga að íslenska ríkið mundi sjálft kosta gæslu íslensku landhelginnar.