[prenta uppsett í dálka] 92. fundur
Félagsmálaráðherra (Páll Pétursson) (andsvar):
Herra forseti. Vegna fyrirspurnar hv. ræðumanns vil ég segja að ég stefni að því að þetta mál komi fyrir þing nú í vor. Ég hef hins vegar ekki farið ofan í þá sérkjarasamninga sem gerðir hafa verið og veit ekki nógu vel hvað í þeim stendur. Það þarf að athuga það áður en ég gef yfirlýsingar um dagsetningar. En minn hugur stendur til þess að málið verði afgreitt í vor.
