[prenta uppsett í dálka] 96. fundur
Jóhanna Sigurðardóttir (andsvar):
Herra forseti. Út af orðum þeim sem hér komu úr forsetastól vil ég vekja athygli forseta á að ég stóð upp sérstaklega til þess að þakka ræðumanni fyrir hans mikilvægu ábendingu, að með einfaldri reglugerðarbreytingu væri hægt að koma á mikilvægri leiðréttingu í þessu máli. Með því að leggja þunga þar með á að þetta yrði gert og taka undir með hv. þm. um að ráðherra beiti sér í þessu máli tel ég mig, virðulegi forseti, ekkert hafa verið að fara út fyrir þingsköp eða það sem heimilt er að gera í andsvörum.
