[prenta uppsett í dálka] 106. fundur
Pétur H. Blöndal (andsvar):
Herra forseti. Ég ætla ekki að svara fyrir formann bankaráðs Landsbankans. En mér sýnist þetta frekar dvergar sem eru að reyna að slægjast eftir að komast inn á teiginn hjá tröllunum þegar litið er á stærðarhlutföll lífeyrissjóðanna sem eru með 260 milljarða og bankanna sem eru með eigið fé upp á 20 milljarða. Þetta eru náttúrlega bara dvergar og tröll, eins og þingheimur sér.
En hv. þm. svaraði ekki seinni spurningunni um áhrif ASÍ og Vinnuveitendasambandsins á löggjafarsamkomu Íslands, sem er hið háa Alþingi. Þeir lögðu nefnilega til og fengu í gegn breytingu á frv. sem ríkisstjórnin, sem nýtur stuðnings Alþingis, ætlaði ekki að leggja fram. (Gripið fram í: En áhrif hv. kolkrabba?)
