Jón Baldvin Hannibalsson:
Herra forseti. Hér er flutt sú brtt. að fjmrh. auk viðskrh. komi að málum að því er varðar framkvæmd á hlut framkvæmdarvaldsins varðandi hlutafélagabankanna. Þessi brtt. er flutt út frá því eðlilega sjónarmiði að það eigi að gilda aðskilnaður framkvæmdarvalds og löggjafarvalds eins og áður hefur reynt á en ekki síður hitt að fjmrh. er vörsluaðili samkvæmt verkaskiptingu Stjórnarráðsins á öllum eigum ríkisins. Af því að frv. kveður á um áform um sölu á hlut ríkisins þá varðar þetta einnig ríkisfjármálin og þess vegna er það að réttum stjórnsýslureglum eðlilegt að fjmrh. eigi hlut að máli fyrir utan fagráðherra í hverju tilviki þegar um er að ræða áform um sölu á eignarhlutum ríkisins.