Valgerður Sverrisdóttir:
Hæstv. forseti. Ég ætla ekki að taka þátt í umræðu
(Forseti (ÓE): Það er ekki umræða.)
undir þessum dagskrárlið, en vegna þess sem hér er fram komið þá er ég alveg hissa á þeim beiðnum sem komnar eru fram um að fresta atkvæðagreiðslu vegna þess að samkvæmt þingsköpum á eftir að 2. umr. er lokið að fara fram atkvæðagreiðsla. Hún fer nú fram. Við skulum segja sem svo að hér séu að koma fram upplýsingar sem koma þingheimi mjög á óvart, þá er í lófa lagið að taka málið til nefndar á milli umræðna. En nefndarfundur getur ekki farið fram fyrr en þessari atkvæðagreiðslu er lokið þannig að ég styð það að henni ljúki.