[prenta uppsett í dálka] 116. fundur
Bryndís Hlöðversdóttir (um atkvæðagreiðslu):
Herra forseti. Þótt yfirlýsing hæstv. forsrh. hér áðan hafi á engan hátt verið trygging fyrir því að þetta mikilvæga atriði, þ.e. baktrygging ríkissjóðs, hafi verið komið í höfn, þá tel ég að þessi þróun málsins hafi skapað málinu betri stöðu en á horfðist í upphafi. En þar sem hér er þó ekki um neina tryggingu að ræða munum við hjá þingflokki Alþb. og óháðra sitja hjá við afgreiðslu málsins við þessa atkvæðagreiðslu eins og við hugðumst í fyrstu, en meta endanlega afstöðu okkar til málsins fyrir 3. umr. og þá eftir að málið hefur verið skoðað betur í hv. félmn.
