Bryndís Hlöðversdóttir:
Herra forseti. Þessi grein endurspeglar það ójafnræði sem frv. býður upp á verði það samþykkt. Greinin fjallar um úthlutunarnefnd sjóðsins en í henni eiga sæti fulltrúar Bændasamtaka Íslands, Landssambands smábátaeigenda, Landssambands vörubílstjóra og annarra starfsgreinasamtaka, þó þannig að séu fleiri en ein starfsgreinasamtök í sömu deild sjóðsins skulu þau sameiginlega tilnefna einn nefndarmann.
Þarna eru 4.500 manna hópi, sem þessir þrír aðilar standa að af a.m.k. 20 þúsund manna hópi, tryggð þrjú sæti í nefndinni en hinum 15.500 væri þess vegna hægt að skella saman í fáar deildir og því fylgdu jafnfáir fulltrúar í úhtlutunarnefnd. Þar sem úthlutunarnefnd ákveður fyrirkomulag á afgreiðslu bóta er þetta algjörlega óviðunandi misræmi á milli starfsgreina sem er óútfært í þokkabót og því mun ég sitja hjá við afgreiðslu þessarar greinar.