[prenta uppsett í dálka] 117. fundur
Frsm. minni hluta utanrmn. (Svavar Gestsson):
Virðulegi forseti. Ég kannast ekki við það að orðatiltækið að leggjast á mál sé bannað í þingsköpum þannig að ég leyfði mér að nota það. Ég tel að hv. formaður utanrmn. hafi tekið þátt í því að leggjast á þetta mál sem hér var nefnt áðan, frv. til laga um friðlýsingu Íslands fyrir kjarnorku- og eiturefnavopnum og bann við umferð kjarnorkuknúinna farartækja. Ég tel það slæmt að lagst sé á málið með þessu móti vegna þess að ég hefði talið skynsamlegra að málið hefði komið hingað aftur og hefði fengið þinglega meðferð og fjallað hefði verið eðlilega um það í þessari stofnun þannig að þingheimur hefði getað tekið þátt í umræðum um það og menn hefðu tekist á um það í atkvæðagreiðsu. Ég tel það miklu skynsamlegri lendingu í stórum málum af þessu tagi en að jarða þau í nefnd eða leggjast á þau í nefnd hvaða orðalag sem menn vilja nota í því samhengi.
