Frsm. (Sólveig Pétursdóttir) (andsvar):
Virðulegi forseti. Það er rétt hjá hv. þm. að það liggur ekki nákvæmlega fyrir um hvaða fjölda er að ræða í þessum sóknum er hann ræddi hér um. Ég tel að ugglaust væri hægt að útvega honum þær upplýsingar. En varðandi vígslubiskupinn á Hólum þá var það mál rætt sérstaklega í allshn. og talið að þar væri um minna umdæmi að ræða og minni umsvif og þess vegna ættu þessar breytingar sér eðlilegar skýringar.