Árni R. Árnason (andsvar):
Herra forseti. Mér er ljúft að nefna að hafi ég misskilið eitthvað í ræðu hv. formanns allshn. bið ég forláts á því, en þannig skildi ég þau orð hennar sem um ræddi. Hins vegar verð ég að geta þess að ég tel mig hafa sæmilega stundað störfin í allshn. en þetta er í fyrsta sinn sem ég heyri þessa ábendingu um að það hafi valdið einhverjum erfiðleikum við flutning fjölskyldna á milli landa.
Ég heyrði hins vegar svar við spurningu þessa efnis til annarra aðila sem svöruðu því að þeir hefðu ekki orðið þess varir.