Magnús Stefánsson (andsvar):
Herra forseti. Hv. þm. velti fyrir sér rökum varðandi minnkandi atvinnumöguleika þeirra aldurshópa sem hér um ræðir. Ég vil leyfa mér að benda þingmanninum á að nú er Alþingi um það bil að lögfesta frv. um vinnutíma og vinnuvernd barna og unglinga og ég tel að sú lögfesting muni draga úr atvinnumöguleikum þeirra aldurshópa sem hér um ræðir.