Guðný Guðbjörnsdóttir:
Virðulegi forseti. Hér kemur til atkvæða sú tillaga allshn. að hækka sjálfræðisaldur í 18 ár. Þessi tillaga er löngu tímabær og hefur verið rædd á fjölmörgum ráðstefnum og meðal foreldra í skólum um allt land. Allir umsagnaraðilar allshn., þar á meðal Barnaheill, Barnaverndarstofa, Heimili og skóli og Félag framhaldsskólanema, eru hlynntir þessari breytingu. Rökin eru að styrkja réttarstöðu 16--18 ára ungmenna og veita þeim aukna foreldravernd, að auðvelda meðferð á 16--18 ára ungmennum án þess að til sjálfræðissviptingar komi og að samræma íslenska löggjöf löggjöf annarra landa og barnasáttmála Sameinuðu þjóðanna. Ég fagna þessari tillögu og segi já.