[prenta uppsett í dálka] 124. fundur
Sólveig Pétursdóttir:
Virðulegi forseti. Það er ljóst að skiptar skoðanir eru um þetta mál og að skoða þarf ýmsa hluti í tengslum við þessar breytingar, hvaða lagabreytingar sé eðlilegt að gera. En ég vil undirstrika að þetta mál hefur að mínu mati ekkert með vantraust að gera í garð ungmenna. Varðandi forræðishyggjuna er það svo að þingið er nú þegar búið að samþykkja ýmis mál í þessa veru og miða við 18 ára aldur. Þessi þróun er nú þegar hafin og það ættu menn að horfast í augu við.
Virðulegi forseti. Ég kom að þessu máli með opnum huga en ég hef aldrei vitað um neitt mál hér á hinu háa Alþingi þar sem öll rök mæla með hækkun á sjálfræðisaldrinum, raunar eindregnar óskir í þá veru að sjálfræðisaldurinn verði hækkaður. Það eru auðvitað margar hliðar á þessu máli sem nefndin hefur skoðað vandlega og í framhaldi af því leggur meiri hluti allshn. til þessa breytingu. Ég segi já.
