Ólafur Þ. Þórðarson:
Herra forseti. Eldhúsdagsumræður fara fram í kvöld og ég legg eindregið til að hæstv. forseti taki tillit til þeirra óska stjórnarandstöðunnar að hún fái að koma með þokkalegar ræður og verði sér ekki til skammar í umræðunum. Ég hvet forseta eindregið til að taka það alvarlega því þetta getur náttúrlega orðið mjög erfitt fyrir þingið út á við ef því verður haldið fram að það sé á ábyrgð forsetans að þessi mistök hafi átt sér stað.
(Forseti (ÓE): Forseti metur umhyggju þingmanns fyrir heill forsetans.)