[prenta uppsett í dálka] 127. fundur
Frsm. sjútvn. (Árni R. Árnason):
Herra forseti. Ég mæli fyrir brtt. við frv. til laga um veiðar í fiskveiðilandhelgi Íslands, 493. mál. Breytingartillaga mín liggur fyrir á þskj. 1295. Í henni eru lagðar til breytingar á gildistökuákvæðum sem eru í tveimur greinum í frv., 21. og 22. gr. Við athugun eftir að 2. umr. var lokið og atkvæðagreiðsla hafði farið fram kom í ljós að gera þarf breytingar og því er þessi tillaga lögð fram um nýja gildistökugrein í stað hinna tveggja fyrri. Efnislega er um það að ræða að lögin komi til framkvæmda á tilteknum tíma og að á sama tíma falli úr gildi sambærileg lög sem gildi þangað til um sama efni. Breytingin er í raun fólgin í því að nokkur ákvæði í frv. munu með þessu verða samfelld, taka gildi um leið og ákvæði fyrri laga falla úr gildi. Á sama hátt er lagfærð uppsetning á gildistökuákvæðinu þannig að það kemur fram í einni grein eins og algengast er orðið.
