[prenta uppsett í dálka] 130. fundur
Ásta R. Jóhannesdóttir:
Herra forseti. Hér er lagt til að auk þess sem beri að gefa skýringar á bið á biðlista og upplýsingar um áætlaðan biðtíma verði sjúklingi gefinn kostur á að bóka aðgerð og einnig að biðtími eftir aðgerð verði ekki lengri en þrír til sex mánuðir eftir eðli sjúkdóms. Þessi leið hefur verið farin í nágrannalöndum okkar og hún hefur orðið til þess að stytta biðlista verulega. Við teljum nauðsynlegt að tekið verði á þeim vanda sem biðlistarnir eru og létt verði af því óöryggi sem hvílir á þeim sjúklingum sem eru á biðlistunum og mönnum verði gefinn kostur á því að bóka og tryggt að þeir þurfi ekki að bíða lengur en í þrjá til sex mánuði eftir eðli sjúkdómsins. Ég segi já.
