Kristín Halldórsdóttir (andsvar):
Herra forseti. Aðeins í sambandi við orð hæstv. ráðherra um Laugaskóla og framhaldsskólann á Húsavík. Hann kvaðst ekki hafa lagt neins staðar til að Laugaskóli sameinaðist framhaldsskólanum á Húsavík og það má rétt vera en aðgerðir í þessum efnum geta vissulega leitt til að skólahald skerðist svo mjög að það gefi stjórnvöldum tilefni til að fullyrða og ganga út frá því að slíkur skóli sé ekki á vetur setjandi þegar búið er að þrengja svo að honum í framlögum að hann geti ekki starfað sjálfstætt lengur.