[prenta uppsett í dálka] 24. fundur
Fjármálaráðherra (Friðrik Sophusson) (andsvar):
Virðulegi forseti. Ég held að það sé ekkert að óttast í þessum efnum. Þau frv. sem hér hafa verið kynnt njóta stuðnings stjórnarflokkanna og stjórnarflokkarnir hafa góðan meiri hluta á þingi. Það breytir því hins vegar ekki að það er mjög gott að stuðningurinn kemur víðar að eins og á hefur verið bent í umræðunum.
Ég vil nota þetta tækifæri til að þakka stuðning hv. þm. Ég met hann að sjálfsögðu mikils. Sér í lagi vil ég þakka honum fyrir að taka þátt í andsvörum hér áðan og skýra m.a. það út hvers vegna æskilegt er að samræma tryggingagjaldið eins og hann gerði með ágætum í því máli sem áður var á dagskrá.
