[prenta uppsett í dálka] 26. fundur
Félagsmálaráðherra (Páll Pétursson) (andsvar):
Herra forseti. Það ber nú kannski ekki svo mjög mikið á milli. Við erum báðir á því að aðilar vinnumarkaðarins eigi að koma sér saman um hlutina. Ég vil taka það fram að þrátt fyrir að mjög mikill fjöldi Íslendinga vinnur lengri vinnuviku en 48 stundir að meðaltali á hverju fjögurra mánaða tímabili þá hygg ég nú að það væri fjölskylduvænna ef hægt væri að koma þessu eitthvað neðar en í 48 stundir því að það er talsverð vinnuvika samt.
