[prenta uppsett í dálka] 30. fundur
Iðnaðarráðherra (Finnur Ingólfsson) (andsvar):
Herra forseti. Ég held að í þessu sambandi séu engar deilur milli mín og hv. þm. Við vorum að vitna í sitt hvort bréfið. Við umræðuna hef ég lagt áherslu á að þegar þetta nefndarstarf var sett af stað var fyrirmyndin fengin frá árinu 1983 og við hana var stuðst.
Þegar ég vitnaði í deilur þáv. iðnrh. við Sjálfstfl. var ég aðeins að undirstrika með því að núna eru engar deilur milli eignaraðila Landsvirkjunar um með hvaða hætti þessum málum skuli skipað. Í raun og veru hafa einu deilurnar við umræðuna verið við einn hv. þm. sem svo vill til að er líka í stjórn Landsvirkjunar. Hvaða ástæður liggja þar að baki veit ég ekki.
