[prenta uppsett í dálka] 38. fundur
Jón Kristjánsson:
Herra forseti. Hv. 4. þm. Norðurl. e. krefst þess að forsrh. segi b. Ég er mjög ánægður með það náttúrlega að hann segi frekar b heldur en a. Hins vegar vil ég koma þeim upplýsingum inn í þessa umræðu að í fjárln. í gærkvöldi kynnti ég stjórnarandstöðunni tillögur ríkisstjórnarinnar varðandi lánasjóðinn, það sem að fjárlögunum snýr. Gert er ráð fyrir viðbótarútgjöldum vegna þessa máls um 100 millj. kr. á næsta ári samkvæmt bréfi sem barst frá fjmrn. í gær og ég kynnti stjórnarandstöðu á fjárlaganefndarfundi í gærkvöldi. Það er þá sú upphæð sem ríkisstjórnin, ég tek það þannig, reiknar með að þetta samkomulag kosti.
Ég ætla ekki að blanda mér í umræður um þetta að öðru leyti en vil upplýsa þetta við þessa umræðu.
