[prenta uppsett í dálka] 40. fundur
Gísli S. Einarsson:
Herra forseti. Minni hluti fjárln. vill benda einlæglega á að óraunhæfar sparnaðartillögur á sviði heilbrigðismála eru mjög dýrar fyrir ríkissjóð og koma fram á einum eða öðrum stað í heilbrigðiskerfinu. Heilbrrn. hefur nú t.d. óskað eftir aukafjárveitingu sem mun nema 15,1 millj. kr. --- það er það sem tillagan sem við flytjum hljóðar upp á --- til heilsugæslunnar í Reykjavík. Í grg. til fjárln. um málið kemur fram að halli heilsugæslunnar í Reykjavík sem nemur sömu fjárhæð sé fyrst og fremst vegna skorts á hjúkrunarrýmum í Reykjavík auk þess sem sjúklingar séu fyrr útskrifaðir af sjúkrahúsum í Reykjavík en áður. Þetta kemur fram sem aukning, sérstök aukning, á heimahjúkrun í Reykjavík. Þess vegna flytur minni hlutinn þessa tillögu.
