[prenta uppsett í dálka] 40. fundur
Ágúst Einarsson:
Herra forseti. Þetta frv. sem nú er að verða að lögum er tæknilegt frv. um breytingu á lögum um staðgreiðslu fjármagnstekjuskatts. Brtt. meiri hlutans við 3. umr. eru smávægilegar lagfæringar. Minni hluti efh.- og viðskn. gerði grein fyrir afstöðu sinni við 1. og 2. umr. þessa máls. Við vorum og erum andsnúin þeirri útfærslu fjármagnstekjuskatts sem ríkisstjórnin lögfesti í vor. Þetta tæknilega frv. við staðgreiðsluþátt þess máls breytir í engu grundvallarafstöðu okkar. Við munum eins og við 2. umr. sitja hjá við brtt. meiri hlutans og við málið í heild enda er það á ábyrgð ríkisstjórnarinnar.
