[prenta uppsett í dálka] 43. fundur
Lúðvík Bergvinsson:
Virðulegi forseti. Það er megingregla í þjóðarétti að viðkomandi fánaríki hafi lögsögu yfir skipi sem statt er á úthafinu. Í allri vitleysunni sem er að finna í þessu frv. þá er nú kannski gengið hvað lengst í þessari grein því hér á að setja reglu sem er andstæð við gildandi þjóðréttarreglur um það að viðkomandi fánaríki hafi lögsögu yfir skipi á úthafinu. Hér á að heimila íslenskum stjórnvöldum að taka yfir þessi skip ef þau vilja svo vera láta. Ég segi nei.
