[prenta uppsett í dálka] 44. fundur
Svavar Gestsson:
Virðulegi forseti. Það eru hér tvær litlar tillögur um það að taka myndarlega á í sambandi við endurbætur á tveimur mikilvægum framhaldsskólum í Reykjavík, annars vegar Menntaskólanum í Reykjavík og hins vegar Fjölbrautaskólanum Ármúla sem hefur lengi beðið eftir því að þar yrði tekið myndarlega til hendinni. Menntaskólinn í Reykjavík liggur satt að segja undir stórkostlegum skemmdum vegna þess að þar hefur verið vanrækt allt eðlilegt viðhald á húsnæði og því eru þessar tillögur fluttar.
