[prenta uppsett í dálka] 50. fundur
Guðmundur Árni Stefánsson:
Virðulegi forseti. Í þessu frv. eru í sjálfu sér litlar breytingar gerðar á núv. fyrirkomulagi póstþjónustu á landinu þrátt fyrir viðamikið frv. í blaðsíðum talið. Þar er í raun slegið á frest að innleiða þá þróun sem er að eiga sér stað annars staðar í Evrópu, nefnilega afnám einkaréttarleyfis og vaxandi samkeppni. Það er einnig í fullkomnu ósamræmi við önnur skyld frv. ríkisstjórnarinnar í þessum efnum, nefnilega um fjarskipti og Póst- og fjarskiptastofnun. Frv. er hins vegar meinlaust í sjálfu sér og mun því njóta stuðnings þingflokks jafnaðarmanna.
