Frsm. umhvn. (Ólafur Örn Haraldsson):
Virðulegi forseti. Ég mæli hér fyrir frv. til laga um breytingu á skipulagslögum frá umhvn. Nefndin stendur öll að flutningi þessa frv. Frumvarpið er flutt vegna breytinga sem hafa orðið annars vegar á embætti vita- og hafnamálastjóra og hins vegar vegna þess að um áramót verður embætti húsameistara ríkisins lagt niður. Til þess að fylla þá nefndarskipan sem húsameistari hefur átt aðild að í skipulagsstjórn ríkisins þarf að gera þessar lagabreytingar með þeim hætti að forsrh. skipi mann í skipulagsstjórn ríkisins.
Eins og kom fram hér fyrr í máli mínu stendur nefndin að þessu einhuga og vænti ég þess að málið fái skjóta afgreiðslu hjá hæstv. Alþingi.