Steingrímur J. Sigfússon:
Herra forseti. Hér kemur til atkvæða hinn illræmdi fallskattur Björns Bjarnasonar, hæstv. menntmrh., sem hæstv. ráðherra hefur reyndar reynt að bera á móti að sé slíkur fallskattur, en enn hefur ekki tekist að sanna að það séu ekki aðallega þeir sem falla á prófum sem þurfa að endurtaka þau. (ÖS: Hann féll á því prófi.) Ég held, herra forseti, að það hljóti að vera leitun að annarri eins hugkvæmni í skattlagningu yfirleitt um lönd og álfur bæði innan lands og utan eins og segir í lánsfjárlögunum, að skattleggja sérstaklega námserfiðleika, að skattleggja sérstaklega aðstöðu þess fólks sem af einhverjum ástæðum ræður ekki við áfanga í sínu námi og þarf að endurtaka þá. Ég óska hæstv. menntmrh. innilega til hamingju með það að eiga höfundarréttinn að þessu merka fyrirbæri, þessum fallskatti, og segi nei.